Para que o consumidor final dispoña de información sobre as especies comercializadas na lonxa de Laxe, a súa forma de captura e o proceso de venda, etc... temos instalados dentro da propia lonxa catro paneis informativos que poñen de manifesto a calidade dos produtos capturados de maneira selectiva coas artes empregadas polas embarcacións do porto de Laxe, embarcacións pertencentes á pesca costeira artesanal.

O contido dos paneis pode ser solicitado na oficina da lonxa, ou mediante a descarga en formato pdf.

Así mesmo tanto a guía da Confraría coma os propios traballadores poderán solucionar todas as dúbidas que lle poidan xurdir coa información facilitada nos paneis divulgativos. Non dubide en consultarnos!