O día 28 de agosto rematou a Escoladivertida, un lugar de esparexemento onde os máis pequenos aprenderon divertíndose.
Nesta escola de verán os rapaces gozaron de todo tipo de actividades: papiroflexia, adiviñanzas, xogos, escribilos nomes con bandeiras, facer debuxos, pintalos con todo tipo de materiais (ceras, rotuladores, lapis de cores, pintura de mans, acuarelas,...) A Escoladivertida permite crear un espazo de acercamento dos máis pequenos ó mar, para que deste xeito aprendan dende cativos a amalo e respectalo.
Esta escola realízase na Aula do Mar da Confraría de Pescadores de Laxe dentro do proxecto ?Mardelaxe?, que xurdiu na Confraría en agosto de 2005 e que ven de presentar o pasado sábado 23 de agosto a súa páxina www.mardelaxe.org , dentro da segunda fase deste proxecto.